Shohbozbek Samandaro'g'li Norqulov
Maqolada Ko‘kdumaloq neftni tayyorlash qurilmasining RVS-4000 №3 tovar rezervuarida yengil uglevodorod fraksiyalarining bug‘lanishidan yuzaga keladigan yo‘qotishlar baholangan. “Kichik nafaslar”, “katta nafaslar” va “teskari nafas chiqarish” bo‘yicha yillik yo‘qotishlar tarkibi aniqlanib, rezervuarni to‘ldirish-bo‘shatish sikllari chastotasining ta’siri tahlil qilingan. Ochiq rangli qoplama, disk-qaytargich, zichlovchi zatvorli ponton va azot yostiqchasi variantlari taqqoslangan. Texnologik va ekspluatatsion mezonlar bo‘yicha zichlovchi ponton maqbul yechim sifatida asoslangan. Neftning texnologik rezervuarda bo‘lish vaqtini 3 sutkadan 2 sutkagacha qisqartirish va 4000 m³ rezervuar o‘rniga 2000 m³ pontonli rezervuardan foydalanish bilan birga kompleks tadbirlar yiliga 121 tonna neftni saqlab qolishi, yillik iqtisodiy samara esa 56 102 AQSH dollari yoki 718,106 mln so‘mni tashkil etishi ko‘rsatilgan.