Xülasə"Feil" bəhsinin nəzəri aspektdə tədrisi zamanı şagirdlərin ibtidai sinifdə əldə etdikləri biliklərə arxalanmağın böyük əhəmiyyəti vardır.Feilin quruluşu, lüğəvi və qrammatik məna növlərinin olması, təsirli və təsirsiz feillər, feilin zaman kateqoriyası, feilin tərz kateqoriyası, feilin təsriflənən və təsriflənməyən formaları bir nitq hissəsi kimi səciyyəvi cəhətlərinin göstəricisidir.Bütün bunlarla yanaşı, Azərbaycan dilində feillər lüğətin zənginləşdirilməsində çox mühüm yer tutan əsas nitq hissəsidir."Feil" bəhsini keçərkən müəllim şagirdlərə anlatmalıdır ki, dilimizdə feillər əşyanın hərəkətini (işini, halını) bildirdiyi kimi, həmin hərəkətin (işin, halın) nə vaxt və hansı şəxs tərəfindən icra olunduğunu da göstərir