ƏDƏBİYYAT TƏLİMİNƏ YENİ BAXIŞ: ÖYRƏTMƏ VƏ ÖYRƏNMƏ PROSESİNİN TƏKMİLLƏŞDİRİLMƏSİ ÜZRƏ İŞİN SİSTEMİ

XXI əsrin ilk onilliyində həyata keçirilən islahatlar nəticəsində təhsil sahəsində kəskin dəyişikliklərlə müşayiət olunan dövr başlanır.Təlimin təşkilinə verilən yeni tələblər nəzərdən keçirildikdə aydın olur ki, yeniliklərin əsas qismi öyrətmə və öyrənmə prosesi ilə bağlıdır.Ən mühüm dəyişikliklər dərsin mərhələlərində, istifadə olunan yeni iş üsullarında, qiymətləndirmə və inteqrasiya imkanlarında özünü büruzə verir.Bu yenilikləri tətbiq etməkdə əsas məqsəd şagirdləri dərslərdə daha aktiv şəkildə iştirak etməyə təşviq etməkdir.Deməli, müasir təlim öyrənmə prosesini müxtəlif yeni üsullarla reallaşdırmağı qarşıya məqsəd qoymuşdur.Yeni təlim mühiti şagirdyönümlü olmaqla yanaşı, həm də sorğu və probleməsaslı öyrənməyə xidmət edir.Öyrənmə və öyrətmə prosesində formativ qiymətləndirmə zamanı müəllim tərəfindən konstruktiv rəyin